Tag Archives: රාජ්‍යය

රාජ්‍යය පාලනය හා භික්ෂුව

රටක ප්‍රදේශයක ජනතාව ඒකරාශී කිරීමේ හා සංවිධානය කිරීමේ ප්‍රධාන බලවේගය ලෙසින් ආගමික පාර්ශවයෙන් ඉටු වී ඇති කාර්යභාරය සුළුපටු නොවේ. මුල් ගෝත්‍රික සමාජවල පවා ගෝත්‍රික නායකත්වය බිහිවීමෙහි ලා මෙන් ම එම නායකත්වය හැඩගැස්වීමේ හි ලා ද ආගමික නායකත්වය ලැබී ඇති බව සාධක දක්නට ලැබේ. ඉන්දීය සමාජය හැඩගැස්වීමේ හි ලා බ්‍රාහ්මණයන් ගේ දායකත්වය ලැබුණේ යම් සේ ද එසේ ම පුරාතන ශ්‍රී ලාංකේය සමාජය සංවිධානය කිරීමෙහි ලා බෞද්ධ භික්ෂුන්ගෙන් ද එයට නොදෙවෙනි දායකත්වයක් ලැබී ඇත. ආගමක් තුලින් ජනතාව සුචරිතවාදී ජීවිතයකට පෙළ ගැස්වීම සමාජය පාලනය කරන පාලකයෙකුට පාලන කටයුතු ගෙන යාමට පහසුවක් වේ. ආගම හා සදාචාරය හොඳින් ව්‍යාප්ත වූ සමාජයක පාලකයෙකුට පාලන කටයුතු ගෙන යාමට පහසුවක් වන බැවින් එවැනි තත්වයක් තම පාලන බල ප්‍රදේශය තුළ වර්ධනය වීමට ඉඩහළ යුතු බව මකියාවෙලී පවසා ඇත.

z_p12-Great01